恭喜发财，大吉大利
广东气候温和，花卉常年绽放，春节喜庆，家家户户都会买啲花嚟装点一下。为咗图个吉利啦，因此呢，各种花卉会有好意头嘅名。比如话桔仔啦，桔仔同吉利个吉同音啊，所以再好不过啊。一般人都会买桃花啦，（粤语中“宏图”与“红桃”同音，桃花寓意“大展宏图”，另有行桃花运之意。）百合啦，百年好合啊，仲有富贵竹啊，发财树啦，求财必备啊。除咗装饰嘅花卉啊。亦都会买一啲有寓意菜啊，比如话葱啦，红萝卜啦（红红火火），生菜，芹菜，都系为咗好意头啫。北方人呢过年会包饺子，但系广东就冇呢啲习俗嘅，广东人会包一啲类似饺子嘅油角，但系系油炸嘅，唔系主食，系零食，除咗油角之外，仲有好多传统嘅食物，发糕/煎堆等等。年夜饭肯定少唔了，喺饭馆食团圆饭啊，要提前一个月以上去预订嘅。生意好嗰阵仲要分批添，每两个钟一轮。菜式方面咧，好多都系用谐音，比如发菜蚝豉（发财好事）盆满砵满，发财就手（发菜闷猪手）等等，仲有一样少唔了嘅就系利是啦，即系我哋所讲个红包啦，随身带一啲利是，见到熟人嘅细路仔唔派（发）利是会显得好尴尬嘅。
讲一下煎堆，煎堆系一种用糯米粉制成嘅球状食物。亦都是过年必备的油炸食品，粤语中有句话叫“煎堆碌碌，金银满屋”，指油炸煎堆的时候越滚越大，希望钱越赚越多。
年晚煎堆，人有我有。过年每家每户都得炸煎堆，别人有我也得有，指要随大流。别人有的我也有。
今年有冇翻屋企过年呢，无论你喺边度都要开开心心，喺呢度越学粤会祝大家，新春大吉，万事胜意！
年歌：张国荣《祝新岁》
